Мемлекеттік қызмет көрсету стандарты Қазақстан Республикасы Білім және ғылым министрлігімен әзірленген

Құрметті мемлекеттік қызметті алушылар!

Ақтөбе қаласының әкімдігімен «Бірінші сыныпқа қабылдау үшін құжаттар қабылдау» жүйесі іске қосылды. Аталған қызметті алу үшін электронды цифрлы қолтаңбамен  

mektep.akt.kz сайты арқылы жеке кабинетке кіріп, өтініш нысанын толтыру қажет.

Ары қарай негізгі парақшада «Бірінші сыныпқа қабылдауға құжаттарды қабылдау» қызметін таңдау қажет.

Аталған жүйе мемлекеттік қызметті алушыларға бірінші сыныпқа құжаттарды онлайн режимінде  қабылдауға мүмкіндік береді.

Өтінішті берген кезде өзекті байланыс деректерін (ұялы телефон нөмірі, электрондық пошта) көрсету қажет. Көрсетілген электрондық пошта мен телефон нөміріне ескерту түріндегі хабарлама жіберіледі.

Авторизация терезесі пайда болады. «ЭЦҚ бойынша» кіру түрін, кілтті сақтау орнын таңдап, «Сертификатты таңдау» батырмасын басу қажет. Ары қарай ЭЦҚ (AUTH_RSA) кілтін таңдап, құпиясөзді енгізіп, «ОК» батырмасын басу қажет

Назар аударыңыз!

 
Жүйеге бірінші рет кірген кезде электрондық поштаны көрсету қажет. Авторизациядан өткеннен кейін «Өтінімді беру» тарауын басып, өтініш нысанын толтырылады.

Қазақстан Республикасының Білім және ғылым министрі 2021 жылғы 3 маусымдағы  № 275 бұйрығына 1-қосымша

Бастауыш, негізгі орта және жалпы орта білімнің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгілік қағидаларына 1-қосымша

"Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау" мемлекеттік қызметті көрсету стандарты

Мемлекеттік қызмет көрсету үшін қажетті құжаттардың тізбесі:

 1) ата-аналардың немесе басқа заңды өкілдердің 1-қосымшасының нысанына сәйкес өтініш;

 2) жеке басын растайтын құжаттың түпнұсқасы (түпнұсқасы сәйкестендіру үшін қажет, ол көрсетілетін қызметті алушыға қайтарылады);

 3) денсаулық жағдайы туралы анықтама  № 065/у нысанды денсаулық жағдайы туралы анықтама және "Бала денсаулығы паспорты" 026/у-3 есеп нысаны;

 4) баланың 2 данада 3х4 см өлшеміндегі фотосуретi;

Шетелдік және азаматтығы жоқ көрсетілетін қызметті алушылар өздерінің мәртебесін айқындайтын, тұрғылықты жері бойынша тіркелгені туралы белгісі бар мынадай құжаттардың бірін ұсынады:

1) шетелдік – шетелдіктің Қазақстан Республикасында тұруға ықтиярхаты;

2) азаматтығы жоқ адам – азаматтығы жоқ адамның жеке куәлігі;

3 ) босқын – босқын куәлігі;

4) пана іздеуші – пана іздеуші адамның куәлігі;

5 ) қандас – қандас куәлігі.

Мемлекеттік көрсетілетін қызметтің мерзімі:

Көрсетілетін қызметті берушіге құжаттар топтамасын тапсырған сәттен бастап, сондай-ақ портал арқылы жүгінген кезде - бір жұмыс күні;

Бастауыш, негізгі орта, жалпы орта білім беру ұйымдарына оқудың күндізгі және кешкі нысанына қабылдау үшін – күнтізбелік жылдың 20 тамыздан кешіктірмей;

1 сынып үшін күнтізбелік жылдың 1 тамызына дейін, 10 сынып үшін күнтізбелік жылдың 15 тамызына дейін;

Мемлекеттік көрсетілетін қызметтің нысаны:

 Электронды, қағаз түрінде