Мектебіміздегі «Қыз Жібек» қыздар клубының жетекшісі Елеусизова Салтанат Үсейнғазықызының ұйымдастыруымен ұлттық құндылықтарды қастерлейтін, ұрпақ тәрбиесіне жауапкершілікпен қарайтын қыздарға дұрыс бағыт - бағдар сілтеу, жастар арасында ұлттық салт - дәстүрімізді насихаттау, жас буынды патриот етіп тәрбиелеу мақсатында 8 - 9 класс қыздары арасында «Қыз қылығымен ...» атты байқау өтті.
Сайыс 5 шарт бойынша өткізілді. Өз - өздерін таныстыру, сұраққа жауап беру, шеберлікпен ою оя білу сияқты тапсырмаларды сайыскерлер өте жоғары деңгейде орындай білді . Бұл жарыс – білімнің, тәрбиенің, өнердің, шеберліктің сынға түсер байқауы болды.
Байқауға мектебіміздегі «Зере» аналар клубының мүшелері әділқазылық етті. Сынға түскен Мейірімбай А, Зилағи Ж,Әділбаева А, Шамшархан Д, Тагаева А, Ауданбай Р сынды арулар өздерін әр қырларынан көрсете білді. Осы сайыста жас ұрпақ бойындағы қазақы салт-дәстүрдегі де, өнердегі де, шеберліктегі икемділік пен шапшаңдықтары да ескерілді.
Жоғарыдағы талаптарды орындау барысында қыздар төмендегідіей нәтиже көрсетті:
Бас жүлде – Ауданбай Райхан 8 "А" класы;
1 - орын Әділбаева Аяулым 9 "Б" класы;
2 - орын Тагаева Аянат 9 "А" класы;
3 - орын Мейірімбай Аида 9 "В" класы ;
«Көрермендер көзайымы» номинациясы – Шамшархан Дильнара 9 "Ә" класы;
«Инабатты ару» номинациясы – Зайлаги Жансая 8 "В" класы;
Мектеп ұжымы атынан сайысқа қатысқан аруларымыздың ата - аналарына, ұстаздарына алғыс білдірді. Бүгінгі жас аруларымыз өертеңгі ұлттың айнасы екендігін естен шығармайық!
