25 мамыр – еліміздегі барлық орта білім беру мекемелері үшін ерекше күн. Өйткені дәл осы күні кезекті оқу маусымы аяқталып, мектеп түлектері үшін соңғы қоңырау соғылады. Айтулы күнге орай №39 қазақ орта жалпы білім беру мектебінде мектеп бітіруші түлектерге арналған «Жас Түлек -Жаңа Қазақстан ертеңі» атты соңғы қоңырау салтанатты жиыны болып өтті. Биыл мектебіміз 60 түлекті алтын ұясынан ұшыруда. Салтанатты жиынға Ақтөбе қаласы «Астана» ауданының әкімі Аққағазов Мамырғали Досқұлұлы, Ақтөбе облысының индустриялық-инновациялық даму басқармасы, инвестициялар және инвестициялық жобаларды сүйемелдеу бөлімінің басшысы Қожамұрат Бағдат Сағатұлы қатысты.
Жиында алғаш сөз алған Ақтөбе қаласы «Астана» ауданының әкімі Аққағазов Мамырғали Досқұлұлы түлектерге жылы лебізін білдіріп, қала, облыс, республика көлемінде өз білімдерін көрсете білген дарынды оқушыларды марапаттады.
Оқу жылының аяқталуына орай мектеп директоры Амитжанова Индира Базаралиевна түлектерге құттықтау сөзін айтып, жыл қорытындысы бойынша ең үздік білім алушыларды марапаттады.
Жиын барысында түлектер алтын ұя мектептерімен қоштасып, білім нәрімен сусындатқан ұстаздарына шексіз алғыстарын білдіріп, мектепке деген ыстық сезімдерін әсем әндері мен ғажайып билері арқылы жеткізді.
Бүгін түлектеріміз үшін мектебіміздің соңғы қоңырауы соғылды.
View the embedded image gallery online at:
https://aqtobemektep39.edu.kz/novosti-kz/914-zhas-t-lek-zha-a-aza-stan-erte-i-atty-so-y-o-yrau-saltanatty-zhiyny-bolyp-tti-25-mamyr-2022-zhyl.html#sigFreeId609fe0a11f
https://aqtobemektep39.edu.kz/novosti-kz/914-zhas-t-lek-zha-a-aza-stan-erte-i-atty-so-y-o-yrau-saltanatty-zhiyny-bolyp-tti-25-mamyr-2022-zhyl.html#sigFreeId609fe0a11f
