Өткен апта мектебімізде «Жаңартылған білім мазмұнындағы жаңа әдіс-тәсілдерді МИФ сабақтарында тиімді қолдану» атты математика, информатика, физика пәндерінің апталығы аясында ашық сабақтар өтті. 

Ағымдағы жылдың 19-сәуірінде №1 Абай атындағы қалалық кітапхананың ұйымдастыруымен Ақтөбеміздің 150 жылдық мерейтойына орай Ұлы ақын Абай Құнанбаев атамыздың шығармашылығына арналған "Абайды оқимыз" атты мәнерлеп оқу кеші қаламыздағы Абай даңғылы көшесінде өткізілді.

Республикалық "Нұрлы Жастар" өнер байқауына "Хореография" номинациясы бойынша қатысып, жастардың жүрегінде ұлы Отан-анасына деген ұлтжандылығын ұялатып, діліндегі ұлттық рухын оятып үлгілі өнер көрсетіп, ерекше дарындылығымен тәнті еткені үшін Қазанғап атындағы балалар өнер мектебінің тәрбиеленушісі, "Qazyna" би тобының мүшесі әрі мектебіміздің 3"Ә" класс оқушысы Куданова Аяулымды аталмыш додада І дәрежелі лауреат және І дәрежелі дипломант атануымен шын жүректен құттықтаймыз!

Бүгін Ақтөбе қалалық техникалық шығармашылық орталығының ұйымдастыруымен өткен «Ғарыш күніне» арналған бастапқы-техникалық үлгілеуден 3-4 класс оқушылары арасында «Ғарыш – балалар көзімен» қалалық байқауында «Көрме» номинациясы бойынша  жүлделі 3-орынды жеңіп алған мектебіміздің 3 «А» класс оқушысы Махамбетияр Санджарды құттықтаймыз!!!

Өткен сенбі, 6 сәуір күні "Жайнай бер, жарқырай бер Ақтөбе!" тақырыбындағы эстетика бірлестігі апталығының ашылу салтанаты өтті.

6 сәуір күні "Қоныс" спорт сарайында футболдан "Ақтөбе мектеп лигасы" турнирі аясында "Дару кубогі" үшін "Астана" және "Алматы" аудандары мектептерінің дене шынықтыру пәні мұғалімдерінен құралған командалар арасында шағын футболдан жарыс өтті.