Құрметті әріптестер!

Кеше мектебімізде 8-наурыз Аналар мерекесіне орай «Көктем ғажайыптары» атты қолөнер көрмесі ұйымдастырылды. Көрмеде оқушыларымыздың асыл аналарына деген құрмет ылтипаттары өз қолдарымен жасаған еңбектері мен гүл шоқтары арқылы паш етілді. Әр бала ерекше талантты, дарынды!!!

22 ақпан күні мектептің акт залының дәлізінде Ақтөбенің 150 жылдық мерейтойына арнайы жасақталған ерекше көрмелер ұйымдастырылды. Олар: "Ақтөбенің көрікті жерлері" тақырыбындағы қолөнер бұйымдары атап айтқанда, макеттер көрмесі және "Ақтөбем - әсем қалам, ару қалам!" кітаптар мен құнды басылымдар жинақталған кітап көрмесі еді. Келген қонақтар мектеп басшысымен көрмені тамашалап, балалар өнеріне ерекше тәнті болса, кітап көрмесінен түрлі маңызды баспа басылымдарды көріп таңырқап жатты.

Кеше, 22 ақпан күні мектебімізде сүйікті қаламыз - Ақтөбенің 150 жылдық мерейтойына арналған "Мәңгілік ел қаласы - Ақтөбем" тақырыбында мерекелік кеш өтті. Кешке Ақтөбе қаласының ардагерлер кеңесінің мүшесі Муханбеткалиева Бибигуль Қыдырғалиқызы, Қалалық ғылыми-әдістемелік орталығының әдіскерлері Бакешова Айгүл Нартайқызы және Жалғасбаев Нұржігіт Залзерұлы, "Өрлеу" БАҰО АҚ филиалы Ақтөбе облысы бойынша педагог қызметкерлердің біліктілігін арттыру институты бас маманы Бектенгалиев Серік Аскарович сынды құрметті қонақтар шақырылды.

1 наурыз күні, мектебімізге көптен күткен ардақты ардагерлеріміз бас сұқты. Олар әрине, Ауған соғысының қаһармандары - Нұрмағанбетов Бауыржан Избасқанұлы және Ереков Бекболат Бектілеуұлы сынды майдангер ағаларымыздың жоғары сынып оқушыларына, салмақты әңгіме, зілді ой, өмірлік естеліктерін ақтарыла айтқан кездесу қонақтары еді.

"ЕРТЕГІЛЕР ЕЛІНЕ САЯХАТ" тақырыбында 100 кітап жобасы аясында бастауыш кластар арасында ұйымдастырылған сахналық қойылымдар. Әр сынып білім алушылары бір-бір ертегі қойылымын дайындап, актерлік шеберліктерін дамытты.